سياسة الخصوصية
مسودة أولية، بانتظار المراجعة القانونية
هي صفحة بتشرح شو معلومات منجمعها وليش. القاعدة عنا بسيطة: ما منجمع إلا يلي لازمنا حتى يشتغل الموقع.
شو منجمع
بريدك الإلكتروني (للدخول)، الاسم يلي بتختاره، رقم واتساب، وإعلاناتك بصورها وتفاصيلها. ما منجمع موقعك الجغرافي ولا منتابعك عبر مواقع تانية.
رقمك
رقم واتساب ما بينحط بصفحة الإعلان ولا بينرسل لمتصفح الزوار. بينظهر فقط لما حدا يضغط زر إظهار الرقم، ومنسجّل كل مرة بينعرض فيها (لحمايتك من الجمع الآلي، ولنقدر نقلك كم مرة تواصلوا معك).
الصور
صور إعلاناتك عامة، أي حدا بيقدر يشوفها. الصور بتنضغط بجهازك قبل ما ترتفع، ومنشيل بيانات الصورة الإضافية بهالعملية.
الكوكيز
منستعمل كوكيز للدخول فقط، حتى يضل حسابك مسجل. ما في كوكيز إعلانات ولا تتبع.
مع مين منشارك
ما منبيع معلوماتك ولا منشاركها مع معلنين. منستعمل خدمات تقنية لتشغيل الموقع (استضافة وقاعدة بيانات)، وهي بتخزن البيانات نيابة عنا.
كم منحتفظ فيها
منحتفظ بحسابك وإعلاناتك طالما حسابك موجود. الإعلانات المحذوفة بتضل محفوظة عنا لأغراض الإشراف ومنع التكرار.
حقوقك
فيك تعدّل معلوماتك أو تشيل رقمك من صفحة حسابك بأي وقت. إذا بدك تحذف حسابك بالكامل، تواصل معنا.
التواصل
لأي سؤال عن خصوصيتك أو بياناتك، تواصل معنا عبر معلومات الاتصال المنشورة بالموقع.