نصائح للبيع والشراء بأمان
تسلم بيوصل البايع بالمشتري، والتسليم والدفع بينكم وجهاً لوجه. هي شغلات بسيطة تحميك.
إذا عم تشتري
- قابل البائع بمكان عام وفي ناس حواليك، ونهاراً إذا فيك.
- تفقد الغرض وشغله قبل ما تدفع، وإذا إلكتروني جربه كامل.
- ما تحوّل مصاري مقدماً ولا عربون قبل ما تشوف الغرض، أبداً.
- إذا السعر أرخص من المعقول بكتير، غالباً في شي غلط.
إذا عم تبيع
- حدد مكان عام للتسليم، وخبّر حدا من أهلك وين رايح.
- تفقد المصاري وقت التسليم، وما تسلّم الغرض قبل ما تستلم.
- ما تشارك معلوماتك الشخصية أو بيانات حسابك مع حدا.
أغراض ممنوع عرضها
الإعلانات يلي فيها هي الأشياء رح تنحذف:
- أسلحة وذخائر ومواد قابلة للانفجار
- مخدرات وأدوية ومكملات طبية
- منتجات مقلّدة أو مزوّرة
- أغراض مسروقة أو مجهولة المصدر
- حيوانات حية
- وثائق رسمية وهويات وبطاقات
- محتوى أو خدمات للبالغين
شفت شي مشبوه؟
بكل إعلان في زر إبلاغ. بلّغنا ورح نراجعه. إبلاغك بيساعد كل الناس هون.
تسلم منصة إعلانات، ما منتدخل بالبيع ولا منضمن الأغراض ولا الأسعار.